జగన్ సూపర్ స్టోరి… చెవిలో పూలు బాగానే పెడుతున్నాడు…

వంద ఎలుక‌లు తిన్న పిల్లి పుణ్యం కోసం హ‌జ్ యాత్ర చేసింద‌ట‌. మ‌న ప్రియ‌త‌మ ముఖ్య‌మంత్రి జ‌గ‌న్ గారూ పిల్లి మాదిరి ల‌క్ష‌ల కోట్లు కొల్ల‌గొట్టి ఇప్పుడు నీతిపాఠాలు వ‌ల్లిస్తున్నారు. క‌రెప్ష‌న్ అంటేనే స‌హించ‌న‌ని రంకెలు వేస్తున్నారు. తాను ఇదే అవినీతి అక్ర‌మాల కేసుల్లో నెంబ‌ర్ 1గా వున్నారు. కేంద్ర ద‌ర్యాప్తు సంస్థ‌లైన సీబీఐ, ఈడీలు జ‌గ‌న్ ని ఆర్థిక ఉగ్ర‌వాది అని గ‌తంలోనే సంబోధించాయి. తాజాగా త‌న‌కు కోర్టు వాయిదాల‌కు హాజ‌రు కాకుండా మిన‌హాయింపు ఇవ్వాల‌ని జ‌గ‌న్ పెట్టుకున్న పిటిష‌న్‌పై విచార‌ణ సంద‌ర్భంగా సీబీఐ జ‌గ‌న్‌పై చాలా ఘాటుగా త‌మ స్పంద‌న‌ను తెలియ‌జేసింది. త‌న అధికారంతో సాక్షుల్ని ప్ర‌భావితం చేసే శ‌క్తిమంతుడ‌ని కోర్టుకు నివేదించింది.

 

అలాగే దేశ అత్యున్న‌త న్యాయస్థానంలో కేసులున్న ప్ర‌జాప్ర‌తినిధుల వివ‌రాలు వెబ్‌సైట్‌లో ఉంచాల‌ని ఇచ్చిన ఆదేశాల‌తో కేసులున్న నేత‌ల వివ‌రాలు పొందుప‌రిచారు. యిందులో మ‌న ప్రియ‌త‌మ యువ (50కి ద‌గ్గ‌ర‌గా వ‌య‌స్సున్నా) ముఖ్య‌మంత్రి గారు 38 కేసుల‌తో ఆల్‌టైమ్ రికార్డు నెల‌కొల్పారు. ఇదే వెబ్‌సైట్ స‌మాచారం మేర‌కు చంద్ర‌బాబుపై ఒకే ఒక్క‌ కేసు మాత్ర‌మే న‌మోదై ఉంది. ఇక యువ‌జ‌న రైతు శ్రామికుల్ని ఉద్ధ‌రించేందుకు కాంగ్రెస్ పిల్ల పార్టీగా పుట్టిన వైఎస్సార్ కాంగ్రెస్ పార్టీ నేత‌ల‌పై ఒక్క ఏపీలోనే 86 మందిపై వివిధ కేసులున్నాయి. తెలుగుదేశం పార్టీ నేత‌ల‌పై 15 కేసులు మాత్ర‌మే వున్నాయి.హ‌జ్ యాత్రకి వెళ్లిన పిల్లిలాంటి సీఎం జ‌గ‌న్ గారిపై సీబీఐ 12 చార్జిషీట్లు న‌మోదు చేసింది.తండ్రి అధికారాన్ని అడ్డంపెట్టుకుని 43 వేల కోట్లు అక్ర‌మాస్తులు కూడ‌గ‌ట్టార‌ని వివిధ సెక్ష‌న్ల కింద కేసులు న‌మోదు చేసింది.

దీని అండ‌ర్ ట్ర‌య‌ల్ ప్రిజ‌న‌ర్ నెంబ‌ర్ 6093తో 16 నెల‌లు చంచ‌ల్‌గూడ జైలులో ఉండి వ‌చ్చిన ఏ1 దొంగ‌గారైన జ‌గ‌న్ ఇప్పుడు నీతులు చెబుతున్నారు.ఇటువంటి ఘ‌న‌దోపిడీ చ‌రిత్ర‌గ‌లిగిన ముఖ్య‌మంత్రి జ‌గ‌న్ చేతుల మీదుగా అవినీతి నిరోధం జ‌రుగుతుంద‌నే ప్ర‌చారం ఏదైతే ఉందో అది నెవ్వ‌ర్ బిఫోర్‌, ఎవ్వ‌ర్ ఆఫ్ట‌ర్ అధ్య‌క్షా!

"
"